FRAUENFELDUM

FRAUENFELDUM

quasi Mulierum campus, caput Turgeae. Si tum est opp. paulo supra ostium fluv. Murae, Murck, cum arce, nomenque accepit a Comite quadam Kyburgica, contra aemulos hoc pacto se muniturâ. Olim itaqueve sub propriis Comitibus; postmodum exstinctâ Comitum familiâ, cum Sueviae seu Alexanniae Ducatus, morte Conradini, Imperio accrevislet, ad Austrios pervenit, qui huc Praefectum misêrunt. Sub horum imperio ab Abbatiscellanis, frustra obsessum A. C. 1407. egregiis proin privilegiis ornatum est. Dein tempore Concilii Constantinensis, proscripto Friderico Archiduce, Sigismundus Imp. opp. Imperio asseruit: A. C. 1415. postea vero ei in gratiam recepto reddidit. Cives uxori Sigismundi Archiducis e regio Scotorum sanguine, cui a marito Comitatus hic concessus erat, iurarunt A. C. 1458. sed paulo post, A. C. nempe 1460. a 7. Helvetiorum pagis, bello contra Sigismundum, cum tota Turgea opp. occupatum est: qui eo Praefectos mittunt, salvis tamen loci iuribus veteribusque privilegiis: Habet etiam Coenobium Augiae divitis quaedam hîc iura. Signum urbs a Pontif. Romano quondam, imaginibus quibsdam ornatum, nempe Christi crucifixi imagine, et duabus clavibus decuslatim positis, accepit, quod in bello universa Turgea quondam secuta est, nunc huic proprii duces, et peculiaria signa obtigêre, urbi priscis suis hodieque relictis. Vide Stumpf. de Turgea, c. 27. Ios. Simler. descr. Helvet. etc.